Turer

Kiel-tur 21.–24. september 2026

Bli med Ingers Trans og Sunnylven pensjonistlag på ein hyggeleg tur til Kiel!

Turen er open for alle, og vi har framleis ledige plassar. Det vert ei sosial og triveleg reise med komfortabel busstransport, Color Line frå Oslo til Kiel og tid til å oppleve Kiel.

Pris og kva som er inkludert

Pris: kr 2 900 per person

Buss tur/retur
Innvendig dobbeltlugar
Éin buffet om bord

Det kjem tillegg for enkeltlugar.

Dag 1 – Sunnmøre–Oslo–Color Line

Vi startar reisa måndag 21. september med følgjande tider for påstiging:

Moa rutebilstasjon kl. 21.45
Sykkylven kl. 22.15
Stranda kl. 22.45
Hellesylt kl. 23.15
Grodås kl. 23.45
Stryn kl. 00.15

Det er også mogleg å avtale påstiging vidare langs ruta.

Vi tek ein lengre pause på Otta og stoppar seinare på Hamar, der det vert mogleg å kjøpe seg frukost. Deretter køyrer vi den siste etappen til Color Line-terminalen i Oslo.

Ved terminalen får alle utdelt boardingkort. Dette fungerer også som nøkkelkort til lugaren. Hugs å ta med pass og all bagasje frå bussen.

Etter ombordstiging kan de finne dykk til rette og nyte fasilitetane om bord. Det finst restaurantar, butikkar, underhaldning, musikk og dans om bord.

Dag 2 – Kiel

Båten kjem til Kiel om morgonen. Her får de om lag 3,5 timar til å utforske byen, handle eller besøke ein av dei hyggelege kaféane og restaurantane.

Hugs å ta med boardingkort og pass når de går i land. Alle må vere tilbake om bord i god tid før avgang.

Etter avreisa frå Kiel kan resten av dagen og kvelden nytast om bord, med god mat, underhaldning og hyggeleg sosialt samvær.

Dag 3 – Oslo og heimreise

Båten kjem til Oslo om morgonen torsdag 24. september. Når alle har kome seg av båten og inn i bussen, startar vi heimreisa.

Vi tek nødvendige pausar undervegs og legg inn ein lengre matpause der det vert mogleg å kjøpe seg noko å ete. Deretter held vi fram tilbake til dei same stadene som ved påstiging.